بسم الله الرحمن الرحيم
هذه مشاركتي للشاعر/بديوي الوقداني العتيبي
ايا منا والليالي كم نعاتبها....شبنا وشابت وعفنا بعض الاحوالي
تاعد مواعيد والجاهل يصدقها....واللي عرف حدها من همها سالي
ان اقبلت يوم ماتصفي مشاربها....تقفي وتقبل وما دامت على حالي
في كل يوم تورينا عجايبها....واليوم الاول تراه احسن من التالي
ايام في غلبها وايام نغلبها....وايام فيها سوا والدهر ميالي
جربت الايام مثلي من يجربها ....تجريب عاقل وذاق المر والحالي
نضحك مع النا س والدنيا نلاعبها....نمشي مع الفي طوع حيث مامالي
كم من علومن وكم اداب نكسبها....والشعر مازون مثقال بمثقالي
اعرف حروف الهجاء بالرمز واكتبها....عاقل ومجنون حاوي كل الاشكالي
لكن حظي ردي والروح متعبها....مافادني حسن تاديبي مع الامثالي
ان جيت ابي حاجة عزت مطالبها.....العفو ماواحد في النا س ياوالي
قوم الى جيتهم رفت شواربها...با لضحك واقلوبها فيها الردى كالي
وقوم الى جيتها صكت حواجبها ....وابدت لي البغض في مقفاي واقبالي
ما كني الا مسوي حال مغضبها....والكل في عشرته ماكر ودجالي
ياحيف تخفي امورا كنت حاسبها....واللي على بالهم كله على بالي
الجار جافي وكم قوم محاربها.....والاهل واصحابنا والدون والعالي
والروح ويش عذرها في ترك واجبها.....راح الب والنسب في جمع الاموالي
نفسي تبي العز والحاجات تغصبها ....ترمي بها بين اجاويد وانذالي
المال يحي رجالا لا حياة ابها......كالسيل يحي الهشيم الدمدم البالي
عفت المنازل وروحي يوم اجنبها ....منها غنيمة وعنها البعد اولا لي
لا خير في ديرة يشقى العزيز ابها....يمشي مع النا س في هم واذلا لي
دار بها الخوف دوم مايغايبها....والجوع فيها ومعها بعض الاحوالي
جوعي سرا حينها شبعي ثعالبها.....الكلب والهر يقدم كل ريبالي
عز الفتى راس ماله من مكاسبها....يامرتضي الهون لاعز ولامالي
دللت بالروح لين ارخصت جانبها ....وانا عتيبي عريب الجد والخالي
قوم تدوس الافاعي مع عقاربها....ولها عزايم تهد الشامخ العالي
خل المنا زل وقل للبين يندبها .....يبكي عليها بدمع العين هطالي
لاتعمر الدار والقالات تخربها....بيع الردى بالخسارة واشتر الغالي
ماضاقت الارض وانسدت مذاهبها.....فيها السعه والمراجل والتفتالي
دار بدار وجيران نقاربها....وارض بارض واطلال باطلا لي
والناس اجانيب لين انك تصاحبها...تكون منهم كما قالوا با الامثالي
الارض لله نمشي في مناكبخا....والله قدر لنا ارزاق واجالي
حث المطايا وشرقها وغربها...واقطع بها كل فج دارس خالي
واطعن انحور الفيافي في ترايبها....وابعد عن الهم تمسي خالي البالي
من كل عمليه تقطع براكبها.....فدافدالبيد درهام وزرفالي
تبعدك عن دار قوم ودار تقربها....واختر لنفسك للمنزل منزالي
لو مت في ديره قفرا جوانبها....فيهالوطى السباع الغبس مدهالي
اخير من ديرة يجفاك صاحبها ...كم ذا الجفا والتجافي والتعلالي
دوس المخاطر ولا تخشى عواقبها...الموت واحد وبعد العز يجلا لي
ان المنايا اذا مدت مخالبها ....تدركك لو كنت في جو السماء العالي
ماقرت الاسد في عالي مراقبها ...تسعى على الرزق ما حنت للاشبالي
والشمس في برجها والغيم يحجبها....تقفي وتقبل لها في العرش مجدالي
رب السماوات يا محصي كواكبها...يامجري السفن في لجات الاهوالي
ضاقت بنا الارض واشتبت شبايبها...والغيث محبوس يامعبود ياوالي
يالله من مزنة هبت هبايبها ....رعادها بات له في البحر زلزالي
ريح العوالي من المنثا تجاذبها....جذب الدلى من جباء مطوية الجالي
ديمومه سبلت وارخت ذوايبها....وانهل منها غزير الوبل همالي
تسقي ديارا شديد الوقت حاربها.....ماعاد فيها لبض الناس منزالي
ياجاهل اسمع تماثيلا مرتبها......فيها معاني جميع القيل والقالي
مثل المحابيب زادت في قوالبها....في صرفها زايده عنقرش واريالي
ياربي توبة وروحي لا تعذبها ....يوم القيامه اذا ماضاقت اعمالي
وازكى صلاه على المختار نوهبها ..شفيعنا يوم حشر فيه الاهوالي
الثلاثاء فبراير 23, 2010 6:22 pm