قصيده محسن الهزاني (الاستسقاء) بصوت الشرهان
--------------------------------------------------------------------------------
هذي اول مشاركه لي واتمنى ان تحوز على رضاكم
هذه قصة محسن الهزاني من اهل الحريق
القصه بختصار ان الحريق في مامضى اتاه قحط شديد وقلة الامطار بل انعدمة فذهبوا اهل الحريق ليصلو الاستسقاء فصلوا ولم يغثهم الله بالمطر بل اتتهم عجه قلعت النخل فقالوا هذا كله بسبب الهزاني يوم راح معنا لصلات الاستسقاء (كانو يقولون انه راعي معاصي) نبغى نروح هالمره بدونه فذهبوا وصلوا الاستسقاء بدونه فبعد منتهوا اتتهم العجه ولم يغثهم الله بالمطر فذهب محسن الهزاني وجمع الناس حوله والضعفاء وجهز هذه القصيده وذهب للمصلى ليستغيث ومعه الضعفاء من الناس وكبار السن فخطب فيهم وقال هذه القصيده
دع لذيذ الكرى وانتبه ثم صل =واستقم في الدجى ابتهل ثم قل
يامجيب الدعى ياعظيم الجلال =يالطيف بنا دايم لم يزل
واحد(ن) ماجد(ن) قابظ(ن) باسط(ن) = حاكم(ن) عادل(ن) كل ماشاء فعل
ظاهر(ن) باطن(ن) خافض(ن) رافع(ن) =سامع(ن) عالم(ن) مابحكمه ميل
ثم بعد لطفك بنا ربنا افعل بنا = كل ماأنت له يا إلاهي أهل
يامجيب الدعا يامتم الرجى = وأسألك ياإلاهي أهل نزل
به على المصطفى مع شديد القوى = أسألك بالذي دك صلب الجبل
الغنى ورضى والهدى والتقى = والعفو العفو ثم حسن العمل
وأسألك غادي(ن) مادي(ن) كل ما = لج فيه الرعد حل فينا الوجل
وادق(ن) صادق(ن) غادق(ن) ضاحك(ن) = باكي(ن) كل ماضحك مزنه سحابه هطل
كن مزنه إذا مارتدم وارتكم=في مثاني السد دامرات الحلل
ناشي(ن) غاشي(ن) سداه فوق السهاتـ=كن مقدم سحابه يجرجر عجل
مدهشٍ(ن) مرهشٍ(ن) مرعشٍ(ن) منعشٍ(ن) =كن لمع برقه سيوف هند تسل
داير(ن) حاير(ن) عارض(ن) رايح(ن) =كل من شاف برقه تخاطف جفل
أدهم(ن) مظلم(ن) موجفٍ(ن) مركمٍ(ن) =جور ماه عم الوعر والسهل
كل ما اخطفق واصطفق واندفق= واستهل وانتهل انهمل كالهلل
حينما استوى وارتوى واقتوى=واستقل وانتقل اضمحل المحل
والفياض اخصبت والرياض أعشبت =والركايا أرعجت والمقل اسفهل
والحزوم أربعت والجوازي سعت = والطيور اسجعت فوق زهر النفل
كن وصف اختلاف الزهر بالرياض=تخالف فرش وزوالي(ن) تفل
بعد ذا علّها مرهش(ن) قالط(ن) = ربو شهر(ن) سقى راسيات النخل
راسيات المثاني طوال الخضور = مستطيل المقادم الجريد المظل
حيث إنه الذخاير إلى ما بقى=بالدهر مايدير الهدير الجمل
تغتني به رجال بوادي الحريق=هم قروم كرام إلى جاء المحل
هم جزال العطايا غزار الجفال=هم الباب(ن) لضيف(ن) بليل(ن) هشل
يامجيب الدعاء يامتم الرجاء =استجب دعوتي إنني مبتهل
امح سيئتي واعفو عن زلتي =فإني ياإلاهي محل الزلل
فا أنا الذي بك أمد الرجى =فلا خاب من مد فيك الأمل
وأنت الذي تهدي الي قال =دع لذيذ الكرى وانتبه ثم صل
ثم ختمه صلاتي على المصطفى = عد ما نحى سحاب صدوق وهل
رابط التحميل
http://www.up-00.com/dldqlF07665.rm.html--------------------------------------------------------------------------------
ويقال انه بعد هذه الخطبه والقصيده وصلاتهم الاستغاثه اغاثهم الله بالامطار اللي احيت الارض
الإثنين فبراير 20, 2012 8:56 am